兒童樂園回歸

唔好以為我哋Ｄ辦公室游擊隊散哂band，其實過去兩個幾月，好戲連場。

上演的巨献包括：

(一) 辦公室處境喜劇:「喪屍暴動」---話說有幾條喪屍四出搞事，一陣又情緒失控，一陣又玩失憶，乜projects都話唔关自己事，真係「無線新聞，事事甩身」。自己唔做嘢唔緊要，但係將Ｄ重要資訊收埋係地氈底就當無嘢。此乃偷懶之化境是也。

(二) 古裝大劇：「怒打昏君」---以「只可州官放火，許平民點燈」為座佑銘的昏君，自己唔掂就唔計，一味賴朝臣辦事不力，結果鎮國公一手献萬言書，一手執打王鞭，昏君見勢色唔對，只好「下詔罪己」以平民憤，真係大快人心。

(三) 歷史紀錄片：「烈士忠魂」---為咗革命理想，無名烈士竟自願攬住个計時炸彈離開革命據點，自我犧牲，點知陰差陽錯，個炸彈落係敵軍臥底手上，炸佢個稀巴爛，場面偉大。

(四) 愛情小品：「錯愛」---女主角天真嬌断被騙，幾經滄桑，在一個無星晚上，倚窗嘆道：「我愛你，但你愛我嗎？」。唉，可恨天下男兒多薄行，「lam」盡之後，真係「關人ｘ事」！天真嬌最後能否覓得真愛？劇情賺人熱淚，萬勿錯過。