自從97金融風暴，香港每隔三、兩年就有些唔老嚟的事，經濟時好時壞，時唔時都有裁員潮，搞到人心惶惶。我眼見不少同事被裁，"幸存者"亦有不少變成 "心黐"一族。呢種人雖是有工做，但經歷架構重組，換老細，工作要求不斷改，結果，嚇儍咗，神經質，兼有被迫害妄想症。佢哋的完全喪失判斷力，試舉一例：
我：下星期開staff meeting，請將上月的工作報告分發，每人一份。
(行政助理)甲：哦 (眼神呆滯)，咁你想我影印，派hard copy，還係send soft copy 比同事。(唔係咁都要問呀？！)
我：無所謂，總之係Friday前分咗就得。
甲：係咁，駛唔駛幫你哋準備lunch ?
我：照舊啦，食三文治
甲：ar ar...(.面有難色)，咁我應該去canteen 個sandwich bar 買，還是去 Pacific coffee 訂呢？
我：你決定啦....
十五分鐘後....
甲:有同事要吃熱的，咁....
各位，我可以講乜？？
No comments:
Post a Comment